ភ្នំពេញ : ថ្ងៃចន្ទ ទី០៧ ខែមិថុនា ឆ្នាំ២០២១ អគ្គនាយកស៊ីម៉ាក់បញ្ចាក់ថា កម្ពុជាមានកណ្តុរចំនួន ៥៧ក្បាល សម្រាប់បម្រើប្រតិ្តបត្តិការបោសសំអាតមីន ក្នុងនោះកំពុងប្រតិបតិ្តការចំនួន៣៤ក្បាល​ ដាក់ចូលនិវត្តន៍ចំនួន៥ក្បាល​ និងកំពុងហ្វឹកហ្វឹនចំនួន១៨ក្បាល។

លោក​ Michael Heimanប្រធានអង្គការ APOPO ប្រចាំតំបន់​និងនៅកម្ពុជា​ បានជួបពិភាក្សាការងារ​ជាមួយលោក ហេង រតនា ប្រតិភូរាជរដ្ឋាភិបាល ទទួលបន្ទុកអគ្គនាយក សុីម៉ាក់ លេីកិច្ចសហប្រតិបតិ្តការវាងកំលាំងសុីម៉ាក់និងអង្គការ APOPO​ ក្នុងការអនុវត្តបច្ចេកទេសបោសសំអាតមីនដោយសត្វកណ្តុរ​ ការស្រាវជ្រាវបច្ចេកទេសដោយសុនខ​ និងការជាវសុនខសុីម៉ាក់យកទៅប្រតិបតិ្តការនៅក្រៅប្រទេស។

លោក ហេង រតនា បានបន្តថា​កណ្តុរ Magawa ដែលទទួលពានជេីងឯកនៅប្រទេសអង់គ្លេសនោះ បានដាក់ឱ្យចូលនិវត្តន៍ដោយបញ្ហាអាយុនិងសុខភាព​ហេីយ Magawa រក្សាទុកឱ្យសំរាកនៅទីតាំងសុីម៉ាក់ខេត្តសៀមរាប។ បច្ចុប្បន្ននេះ​អង្គភាពសុីម៉ាក់ និង APOPO សហការប្រេីប្រាស់កណ្តុរចំនួន ៥៧ក្បាល ​សម្រាប់បម្រើប្រតិ្តបត្តិការបោសសំអាតមីន ដែលក្នុងនោះកំពុងប្រតិបតិ្តការចំនួន ៣៤ក្បាល​ ដាក់ចូលនិវត្តន៍ចំនួន ៥ក្បាល​ និងកំពុងហ្វឹកហ្វឹនចំនួន ១៨ក្បាល។ ដោយឡែកសុនខដែលបានបញ្ជូនពីអង្គភាពសុីម៉ាក់ ទៅបម្រើការនៅប្រទេស ស៊ូដង់​ខាងត្បូង​ ប្រទេសអង់ហ្គោឡា​ និងប្រទេស​តួរគី​នោះបានបំពេញប្រតិបតិ្តការយ៉ាងល្អប្រសេីរ​ ហេីយខាងអង្គការ APOPO បានស្នេីសុំជាវសុនខមួយចំនួនបន្ថែមទៀត ពីសុីម៉ាក់ដេីម្បីយកទៅប្រតិបតិ្តការនៅប្រទសមួយចំនួនផេ្សងទៀត។

ទន្ទឹងនឹងនេះដែរ​ លោក Michael Heiman​ បានបញ្ជាក់ ពីលទ្ធភាពក្នុងការទទួលជំនួយពីប្រទេសប៊ែលហ្សិក​ក្នុងការគាំទ្រកិច្ចប្រតបតិ្តការរបស់អង្គភាពសុីម៉ាក់ ក្នងរយ:ពេល ៥ឆ្នាំ (២០២២-២០២៦)​ ហេីយគោលដៅសំខាន់របស់គំរោងត្រូវបន្តអនុវត្តនៅទិសខេត្តព្រះវិហារ​ ជាពិសេសតំបន់ប្រាសាទព្រះវិហារ។

^{ប្រភព: អគ្គនាយកសុីម៉ាក់}